Léif Frënn vun de Poppespënnchen,

2020 woar vir eis esou ewéi fir vill anerer e schwéiert Joer. Schonn am Ufank vun der Saison hu mer missen duerch de Lockdown Dieren vun eisem Theater zou maachen. Dat woar natierlech e grousse Verloscht fir eis. Eis Saison woar geplangt, d’Kënschtler gebucht, d’Reklamm gedréckt a verdeelt an du koum alles anescht.


Et gouf awer och gutt Erfarungen. Wärend der kuerzer Zäit wou mer erëm konnten opmaachen, hate mer eise Sall meescht ausverkaaft. Natierlech mat Anhalen vun allen sanitäre Reegelen. A mär kruten finanziell Ënnerstëtzung vum Kulturministerium fir kenne iwwer Livestream éischt Erfarungen ze sammelen. Mär konnten och entdecken wéivill Leit eis Poppespennchen gutt fannen an eis ënnerstëtzen. Dofir hei emol e ganz grousse Merci un all Besicher an Ënnerstëtzer vun der Poppespennchen. Elo wëlle mer natierlech no vir kucken a si fläisseg derbäi fir eis nei Saison ze plangen.


Warscheinlech wäerte mer ënner gewësse Bedingungen eisen Theater erëm kennen op maachen. Virun allem hoffe mer awer dass de ganze Covid-Zauber geschwënn eriwwer ass an dass mer eise villen Figurentheaterbegeeschterten erëm kennen eng Freed maachen. Mär wäerten eis Bescht maachen.


Wann et esouwäit ass, wäerte mer iech hei informéieren. 



Poppespënnchen a.s.b.l.

1, place Saintignon

L-4698 Lasauvage

Tel.: +352 621 388 654